"Tatsulok"

“Tatsulok”

(Sanaysay)

Jashley Dalangin

            Ang korupsyon ay ang paggamit ng mga politiko ng pondo ng bayan para sa pansirili nilang kapakanan. Ito ay isa sa mga katiwalian ng gobyerno na laganap hindi lamang sa ating bansa kundi maging sa iba pang mga bansa. Ito ay tila sakit ng maraming bansa na hindi kayang gamutin ng ng kahit anong bagay.

            Ang korupsyon ay hindi nakakatulong sa ating bansa ngunit bakit patuloy parin itong ginagawa ng mga politiko? Dahil sila ay nakikinabang dito. Tulad na lang ng Pork Barell scam ni Janet Lim Napoles na naganapp noong Agosto 2013. Maraming bagay ang ginagawa ng mga politiko makapangurakot lamang. Gaya ng ‘ghost projects’ at ‘ghost employees’ kung saan ay may sinasabi ang politiko na siya ay may proyekto at hihingi ng pondo ngunit wala naman talagang proyektong magagawa at ang pondong hiningi ay mapupunta lamang sa kanilang bulsa. Ang isa pang halimbawa ay may gagawin ulit proyekto ang mga opisyales at hihingi ng malaking pondo para sa nasabing proyekto pero ang mangyayari ay bibili sila ng sub-standard o may mababang kalidad na mga kagamitan upang hindi nila magastos ang lahat ng pondo at ang matitirang pera sa pondo ay sa bulsa nila ang punta.

            Masasabi ko na ang ating mundo ay gaya ng isang tatsulok dahil ang mga politiko na nasa tuktok ay patuloy na yumayaman habang tayong mga mamayaman na nasa ibaba pahirap ng pahirap.