"Sirang Plaka"

“Sirang Plaka”

(Malayang tula)

Kysha Cordova

‘Gusto kita’ dalawang salita

na tila ang sarap pakinggan

para bang ang saya’y

wala ng bukas

Ang daming mga mata

pero bakit sayo ang unang nakita

nag-sabay ang ating mga paa

nagpunta sa direksong hindi natin alam

Masaya tayong dalawa

ngunit ika’y naging bula

bigla biglang nawala

oo nga pala, wala nga palang ‘tayo’

‘Ayoko na’ sa pagkakataong ito

ay biglang gumulo

sa hindi mo malamang dahilan

ang dalawang salita ay biglang gumuho

Ayoko nang maging masaya sa kasinungalingan

pero bakit hindi ko kayang pigilan

tatanggapin ko na,na wala talaga

dahil ‘gusto kita’ ngunit ‘ayoko na’