"Bato"

“Bato” 

(Tugmang tula)

 Charlotte S. Creus 

Bato ang sumisira sa’ting lipunan 

Karamiha’y ito ang nilalapitan  

Ang paggamit nito’y kanilang libangan 

Upang problema nila ay matakasan  

Ngunit taliwas sa kanilang isipan  

Ito’y kasalanan, dapat talikuran 

Walang magandang bagay na madudulot  

Kundi hinanakit sa sarili’t poot  

Pagtalak ng dugo ay kaliwa’t kanan 

Putukan banda rito at banda riyan  

Maraming tao na ang namatay  

Pati ang mga muwang ay nadadamay  

‘Di pa huli ang lahat para magbago  

Bagong simula ay manggagaling sa’yo  

Magandang kinabukasan ang darating  

Pagsikat ng araw ating salubungin